صعيدي يا بوى
بقلم //سيد يوسف مرسي
وجلبابي كابي علي قدمي
أسمر مليح
والشمس تلفحني
عمتي فوق راسي
خيمتي اللي حِلْتيِ
دنيتي ورايا
وسوطها في ضهري
فضفاض زى توبي
واللي فلساني علي قلبي
أبيض نضيف
والحق ما ينكسر عندي
ولا عمري طا طيت لمخلوق
زى ومثلي
ولا مديت لمخلوق في يوم يدي
حــــــــــــــر وأصيل
ومعدني عـــــــــــــالي
تعرفني لو سكنت جنبي
تميزني ملامــــــــحي
وشايل همومي علي كفي
جَـــــــــــوَال
فـــــــــــــــي دنيـــتي
ولا أعرف أمتي أدلي
بين فطوري ولا عشاي
ولا الزمن يمكن يولي
طول عمري أدور
علي حد أحكي له همي
*****
صعيدي يا بوي
والحق سيف علي رقبتي
لا أخاف من انس ولا جن
ولا فيه حـــد يزعزني
خوفي من رب العباد
هو شايف الخلق وشايفني
دا الحـــــــــــــــق دمي
اللي في عروقي بيسري
من راسي لحد صوابع رجلي
ولا أرض بغـــــــــــلط
ولا أحب واحد يغلطني
طاوي لســــــــــــــاني
وامكعبله فـــــــي بقي
وأخاف منه لفيوم يبهدلني
******
صعيدي يا بوي
وصانع تـــــــاريخ
وكل الخلق يشهدلي
حصن وأمان للبعيد
واللي ما يعرفني
وفي كا النـــيل
وضحكتي من صميم قلبي
وتصعب عليه نفسي
لما ألاقي الخلق جاهلني
يقولوا عليه قاسي
بس من فين تيجي قساوتي
ظلم العباد جاري
وامتي الخلق يفهمني
طول عمري أقاسي
من السد والهرم
أرضي وبيت جدي
سواعدي واعدة
كام جبل هديته
وقطعته بمنشار جلدي
من غير كلل
ولا حد جاب سيرتي
فاسي في راسي
عارف خلاصي
لاحد قال يدك
ولا حد حكلي في جلدي
******
صعيد يا بوي
في البر والبحر
راكب حماري وأجري
حتي رمالك ياسينا
من عضم أبوي وأهلي
نوت بالعطش والجوع
والخلق شايف
أحنا اللي اتكتب علينا
علي طول الزمن نبني
*****
أنا صعيدي يابوي
وعمتي فوق راسي
وفي دنيتي باجري
كفايــــــــــــــــــــة
مش عايز حد
اليوم يكلمني
هل أعجبك النص الأدبي نعم أم لا رأيك يحترم!
