جاني يخبرني محبوبي
أنو قلبه غيري إختار
ويطلب مني كون بعرسو
اول وحدة بالزوار
وبوس خد القمر ال قربو
وهي أحلى من الأقمار
مابيعرف انو ذبحني
واني عليه كتير بغار
وانو ذابح قلبي ال حبّو
واللي بيبكي ليل نهار
وانو زارع شوك بدربي
وجنبو الحنظل والصبار
أه .. هالزمن القاسي
قديش ظالم وغدّار
كان يقلي اني الزهرة
وأحلى من كل الأزهار
ولا مرة حسسني بانو
مش ح يكمّل المشوار
وعشمني بنهاية سعيدة
يغاروا منها كبار وصغار
رح قدملو قلبي العاشق
ملفوف بياسمين وغار
حتى يتذكر افعالو
ويعرف معنى كي النار
هل أعجبك النص الأدبي نعم أم لا رأيك يحترم!
0 التعليقات:
إرسال تعليق